خروف العيد

كل سنة وانتم طيبيين وعيد سعيد على العالم كلها وبمناسبة العيد عملت كب كيك وعليه خروف العيد وهو معمول من الفندانت والصور اللى جاية ممكن تشوف النتيجة النهائية:

 

Taart & Trends

كان يوم السبت يوم رائع فى معرض التورتات والموضة, ودة معرض مخصص للجديد فى عالم تزويق الترتات فى هولندا. على هامش العرض كان فية عرض لاثنين من اساتذة الحلواني فى هولند وكان عرض اكثر من رائع (رودلف فان فين و روبرت فان بيخهوف) . فى خلال ساعتين ونصف قاموا بعرض لتزيين التورتات بالشيكولاتة البيضاء والداكنة وعمل المرشاميلوا والعديد من الصوصات لتغطية التورتات وقام رودلف بعمل فطيرة على الطرقة السوسرية من القرع واللحم المفروم كانت اضافة قوية للعرض.
واليكم بعض الصور من المعرض:

تورتة للمولود الجديد

 

الف الف مبروك على المولود الجديد وعلشان دة تورتة شيكولاتة متحوطة ببسكويت القرفة ومغطاة بطبقة من الشيكولاتة وكرات من حلوى الينسوس والسكر , اتمنى انها تعجبكم.

 

 

 

 

 

 

عيد ميلاد سعيد يا جميل

عيد ميلا ياسمين اللى فات كانت عايزة تورتة على شكل حصان او حاجة تخص ركوب الخيل - الرياضة اللى بتحبها - واخترنا اننا نعمل ترورتة على شكل اسطبل.

والصور الجاية توضح كل حاجة:

فانوس رمضان

كل سنة والمسلمين والناس كلها طيبيين بمناسبة شهر رمضان المعظم ربنا يبلغنا رمضان ويرزقنا صيامة وقيامة. وبالمناسبة دية قلت اعمل فانوس رمضان من عجينة الفندان, ودية كانت النتيجة.

وبعدين عملت فانوس تانى من بيضة الشيكولاتة وعدد اتنين بسكوتة شيكولاتة مغلفين بعجينة الفندان والبيضة مغطاة بشرائح ملونة من نفس العجينة السابقة.

الفيل بومبا

من عجينة اللوز والوان الطعام طبعا اللون الرمادى اساسا علشان تعمل جسم الفيل وارجلة وعمل الراس مع الزلومة ولزقهم على الجسم ثم تركة يجف وبعد كدة رشة بالسبراي الملمع.

ودى الصورة الحقيقية للفيل

يوم جديد وتورتة جديدة

بعد اربع ايام كورس لتزيين التورتات باسلوب wilton  كانت تورتة التخرج بتاعتى عبارة عن عدد اتنين تورتة اسفنجية واحدة بالفانيليا والتانية بالشيكولاتة ومحشوة بطباقات من المربى وكريمة الحلوانى ومتغطية بكريمة الزبدة  ووردات من نفس الكريمة بالوان مختلفة والدوران من ورد كنت عملة من قبلها من كريمة السكر.
والنتيجة النهائية هى:

ومن الداخل

وباقى التورتات من المجموعةاللى معايا

اتمنى ان الافكار دة تعجبكم

فانوس رمضان بالصور

بالخطوات طريقة عمل فانوس رمضان من بيضة الشيكولاتة وعجينة اللوز وبسكوت الشيكولاتة والوان طعام مختلفة.

إالخطوة

الخطوة الاولى لفانوس رمضان

عمل دوئر الفندان

تخطية البسكوت بعجينة الفندان

شرلئط من الفندان بطول 5 سم

لزق الشرائط على بيضة الشيكولاتة بالماء

فانوس رمضان

اشكال مختلفة من فانوس رمضان

عمل الحيوانات بعجينة اللوز

عمل الحيوانات بعجينة اللوز

ياسمين وتورتة للمدرسة

بمناسبة انتهاء السنة الدراسية وان المدرسة بتاعة الفصل بعد سنتين مع نفس الفصل قررت ان الفصل فى الجروب السادس هيكمل مع مدرسة تانية علشان كدة قرروا انهم يشكروها زى مابيعملوا كل سنة بس السنة دية حاجة مخصوصة بتورتة عليها صورة الفصل.

ودية كانت النتيجة:

حشو التورتة عبارة عن  كريمة باستيري(حلوانى) وراق مربى فروالة
مقاس التورتة 30×30
والتورتة نفسها عبارة عن ثلاث تورتات مقاس 20×10 ومنهم واحدة شيكولاتة موضوعيين فى راقات بالتبادل مع بعض.
والتغطية الاولى بكريمة الزبدة ثم بعجينة اللوز والتزويق بنجوم وورد عاملها من كريمة السكر .
صورة المجموعة مطبوعة على ورق بيتاكل من السكر والباقى حلويات.
الترورتة بالهنا والشفا اتنسفت.

تورتة الجولف

وهى دى تورتة الجولف فى شكلها النهائى ومقاسها 30×30 والحشو مربى المشمش وكريمة الزبدة بطعم الفانيليا ومغطيها بعجينة اللوز واستعملت اللون الاخضر بدرجاتة. الناس كانوا مبسوطين بيها جدا وصاحب التورتة اتصور جنبها كمان.

عمل الاشخاص بعجينة السكر

تورتة الجولف دة تورتة الفروض انشاء الله اعملها بكرة لزميل المدام فى العمل اللى طالع معاش وعملين له حفلة وعلشان هوايتة لعبة الجولف اخترنا ان التيمة للتورتة تكون لعبة الجولف. المهم امبارح عملت الشخص الراقد على بطنة وبينفخ فى الكورة علشان تخش, عملتها من عجينة اللوزالمضاف عليها معلقة من بودرة اللزق القابل للاكل وبعد كدة لونتها وشكلت منها البنطلون وبعدين الفانلة ثم الراس واليدين والجزمة وباقى التفاصيل اتمنى انها تعجب. بعد بكرة هخبز التورتة وهبقى احط الصور على البلج والفيس بوك.

طريقة عمل كريمة الزبدة لتغطية التورتات والكب كيك

هذة الطريقة هى الطريقة الى استعملتها فى كورس ويلتون تزيين التورتات الكورس الاول :
١٩٠ جرام كريسكو ( نوع من انواع الزبد النباتات) ٧-٨ م.ص. ماء ٤٥٠ جرام سكر بودرة ١ م.ص. مكسب طعم ( زبدة - لوز - فانيليا ) ١ م. ك. ما رينج ( مستخلص البيض )

يتم ضرب الزبدة اولا مع الماء ومكسبات الطعم بالخلاط حتى يندمج مع بعض ثم يضاف المارينج على السكر مع ذرة ملح ويضاف على الخليط السابق ويخلط حتى يمتزج تماماً ، حوالى ثلاث دقائق على سرعة متوسطة. يحفظ فى الثلاجة فى علبة مغلقة حتى يتم استعماله . يعتبر هذا المزيج مركز ويستعمل لعمل الورد على التورتات ولتزويق جوانب التورتة يتم تخفيفها بإضافة ملعقة صغيرة ماء ولتغطية التورتات بالكريمة يتم تخفيفها مرة اخري بملعقة ماء صغيرة ثانية.

راس السنة

فى راس السنة اللى فاتت كانت عائلة مراتى عندنا والحلو كان علينا. عملت ليهم أطباق من الشيكولاتة بها بافارواز الموز وكور من عجينة اللوز ملونة بلون احمر وعليها خطوط بيضاء مع بودرة تلميع وورق شجر من نفس عجينة اللوز. أنا بجيب العجينة بلونها الطبيعى الى هو فى الغالب ابيض كريمى و بلونها بألوان مخصصة للأكل .

وفى عيد ميلاد حماتى

وفى عيد ميلاد حماتى عملت الكب كيك وزوقتهم على شكل الكلب بتاعها, خليها تنبسط بقة.